【阿公講鬼】《虎豹別墅的狐仙》（中）
（上集）https://bit.ly/3l4WfYr
＝＝下半部分有繁中華語版＝＝
＝＝下半部分有繁中華語版＝＝
基叔二話不說，就逃出嗰間房，仲唔小心掉爛嗰塊鏡。佢一邊驚叫一邊從地牢跑到地面，嗰時係半夜，幸好無吵醒胡文虎豹兩兄弟。基叔跑到員工宿舍，臉蒼白到成個死人一樣，同工頭講返頭先所發生嘅事。
「所以我話你只要撐過一星期，就有免費宿舍住。」管工揉搓眼睛，打咗個臭呵欠：「呢度幾乎唔會炒員工，因為員工流失率已經好高，咁落去好難請到人。」
「你就習慣吓啦。」管工返去房訓覺，叮囑佢千祈唔好再大呼小叫。
第二日，管工唔希望基叔咁快就辭職，所以分派佢去花園淋花，以及將虎塔內嘅「藝術品」擦乾淨。虎塔內有十八層地獄嘅壁畫，仲有亡靈喺地府內受苦嘅模型。
儘管係大白天，虎塔內無燈光照明，只靠外面嘅太陽同細小嘅通風窗口將光線照射入嚟，再加上嗰啲特別嘅藝術品，氛圍顯得格外恐怖。
但工作始終都係要做嘅，反正對基叔嚟講，虎豹別墅根本都無地方係唔恐怖嘅，想避都避唔到。呢次佢為咗令自己無咁驚，特地帶埋收音機入去，一邊聽住歌一邊打掃。
根據管工所講，佢喺度工作十幾年，從來無見過胡文虎豹兩兄弟行入虎塔，頂多只係媒體到訪時先去影張相。至於興建呢座塔有咩特別嘅意義，管工都唔知道…
虎塔從地面到二樓，主要係一啲壁畫，三樓開始就係立體浮雕同地府嘅模型。基叔愈驚就唱得愈大聲，試圖用歌聲來幫自己壯膽。
突然，佢聽到一個細路嘅聲音，跟住佢唱歌…
基叔將部收音機停落嚟，聲音又跟住停。基叔環視四周，睇到喺虎塔四樓嘅幽暗處，一個細路仔坐咗喺度。男孩一邊坐一邊學基叔唱歌，係一個幾歲男童嘅歌聲。
但基叔定睛一睇，原來眼前嘅係一隻狐狸。隻狐狸搖擺住長長嘅尾巴，雙眼直視住基叔。
呢次基叔醒目喇，捂住個嘴抑制住唔畀自己大叫，拔足狂奔出虎塔外。佢好需要呢份工作，但佢知道再咁落去，仲未出糧就會被嚇死。
所以佢搵咗阿公幫忙。
阿公聽過佢嘅經歷之後，亦瞭解過成個虎豹別墅嘅設計，阿公得出以下嘅結論：
「虎豹別墅唔單止畀胡文虎豹兩兄弟居住嘅地方，而係一個狩獵場…」
「狩獵場？」基叔。
「準確嚟講，是狐仙嘅狩獵場。你見到嗰個女靈體，並唔係特登想嚇你，相信佢都係被困喺別墅內，等待狐仙食她嘅魂魄，別墅嘅風水局係一個『吸魂局』，可以將附近嘅遊魂吸入別墅。
而當靈體走入虎塔，見到地府嘅慘況，換住係你都唔敢投胎啦？結果靈體就被困喺別墅，唔敢投胎又唔能夠逃脫，最後成為狐仙修煉用嘅美食。」
「但我唔可能帶師傅你入去，仲有咩方法解決？」基叔。
「我可以幫你，但你要回答我一個問題。」阿公頓了頓：「你想我令你唔受靈體影響安穩工作？定係想我解救嗰啲靈體？」
「真係無辦法趕走嗰隻狐仙？」基叔。
「入唔到別墅，我無辦法趕走狐仙。再加上，養狐仙是人哋家嘅事，我管到幾多？」
「我……」基叔沉思良久：「我想救嗰啲靈體。」
（待續）
300分享繼續～
訂閱Patreon，就可以請阿公飲茶
https://www.patreon.com/Bluegodzi
＝＝＝＝＝＝＝＝＝＝
＝＝＝繁中華語＝＝＝
＝＝＝＝＝＝＝＝＝＝
基叔二話不說，就逃出了那房間，還不小心摔破那塊鏡子。他一邊驚叫一邊從地牢逃到地面，那時候是半夜，幸好沒有吵醒胡文虎豹兩兄弟。他跑到員工宿舍，臉蒼白得像死人一樣，跟工頭說剛才所發生的事。
「所以我說你能撐過一星期，就有免費宿舍住了。」管工揉搓眼睛，打了個臭呵欠：「這裏幾乎不會解僱員工，因為員工流失率已經很高了，這樣下去很難請到人。」
「你就習慣一下吧。」管工回去房間睡覺，叮囑他千萬別再大呼小叫。
隔天，管工不希望基叔這麼快就離職，所以分派他到花園灑水，以及將虎塔內的「藝術品」擦乾淨。虎塔內有十八層地獄的壁畫，還有亡靈在地府內受苦的模型。
儘管是大白天，虎塔內沒有燈光照明，只靠外面的太陽和小小的通風窗口把光線照射進去，再加上這些特別的藝術品，氛圍顯得格外恐怖。
但工作還是要做的，反正對基叔來說，虎豹別墅也沒什麼地方是不恐怖的，想避也避不了。這次他為了讓自己不這麼害怕，特地帶收音機進去，一邊聽著歌，一邊打掃。
根據管工所說，他在這裏工作十多年，從沒見過胡文虎豹兩兄弟走進虎塔內，頂多只是媒體到訪才去拍張照片。至於興建這玩意有什麼特別的意思，管工也不知道…
虎塔從地面到二樓，主要是一些壁畫，三樓開始就是立體浮雕與地府的模型。基叔愈是害怕，就唱得愈大聲，試圖用歌聲來替自己壯膽。
突然，他聽到一個小孩的聲音，跟著他唱歌…
基叔把收音機停下來，聲音又跟著停下來。基叔環視四周，看到在虎塔四樓的幽暗處，一個男孩坐在那裏。男孩一邊坐著，學基叔那樣哼唱著歌，那是一個幾歲男童的歌聲。
但基叔定睛一看，原來是一頭狐狸。狐狸搖擺著長長的尾巴，雙眼直視著基叔。
這次，基叔捂住嘴巴，抑制著自己驚叫聲，拔足奔跑出虎塔外。他需要這份工作，但他知道再這樣下去，還未領到薪水就會被嚇死。
所以他尋找阿公的幫忙。
阿公聽過他的經歷之後，也瞭解過整個虎豹別墅的設計，阿公得出以下的結論：
「虎豹別墅不單是讓胡文虎豹兩兄弟居住的地方，而是一個狩獵場…」
「狩獵場？」基叔。
「準確來說，是狐仙的狩獵場。你看到的那個女靈體，並不是特地來嚇你，相信她也被困在別墅內，等待狐仙吃她的魂魄，別墅的風水局是一個『吸魂局』，能將附近的遊魂吸進別墅內。
而當一個靈體走進虎塔，看到地府的慘況，換著是你也不敢投胎吧？結果靈體就被困在別墅，不敢投胎又不能逃脫，最後成為狐仙修煉用的美食。」
「但我不能帶師傅你進去，還有方法解決嗎？」基叔。
「我可以幫你，但你要回答我一個問題。」阿公頓了頓：「你想我令你不受靈體影響安穩工作？還是想我解救那些靈體？」
「真的沒辦法趕走那隻狐仙嗎？」基叔。
「不進去別墅，我沒法趕走狐仙。再加上，養狐仙是別人家的事，我能管嗎？」
「我……」基叔沉思良久：「我想救那些靈體。」
（待續）
300分享繼續～
訂閱Patreon，就可以請阿公喝茶
https://www.patreon.com/Bluegodzi
Search